Американецот Фостер Хантингтон кон крајот на минатата година даде отказ на добро платената работа за да живее во комби и да патува по светот.
Овој „професионален номад“ од свој стил на живот направи вистински бренд, а последниот проект сосема се вклопува во идилична естетика што го прослави и ја промовираше на профилите на социјалните мрежи и блогови.
Идејата почнала така што Фостер сакал да си направи „база“ (другите луѓе тоа би го нарекле дом), од каде ќе може да ги планира неговите нови проекти.
Тој и неговиот пријател Такер Горман потоа заклучиле дека тоа може да биде уште еден сегмент за остварување на соништата од детството и ги ангажирале нивните пријатели за да изградат фантастична куќа на дрво.
Куќата, која ја граделе 12 месеци, има два дела кои се споени со мост. Она за што се заинтересирани сите светски медиуми дефинитивно е она што се наоѓа под дрвото: простор за капеање и џакузито.
Хантингтон, секако, го документирал процесот на изградба низ илјада фотографии и скици кои ќе бидат објавени во книга за која за сега се собираат финансиски средства.
