Хроничното опивање доведува до ослабување на когнитивните центри кои ги контролираат емоциите. Зачестеното опивање може да доведе до „куршлус“ во мозокот и тешко опоравување од трауматските доживувања во животот. Испитувањата спроведени на Универзитетот во Северна Каролина биле изведени врз глувци што земале алкохол во текот на еден месец.
Другата група на глувци не добивала алкохол, а двете групи биле тренирани да почувствуваат страв од одреден звук придружен со пуштање на благи електрични шокови. Кога се пуштал звукот повеќе пати без електричен шок, глувците од „трезната“ група престанале да се плашат, а „алкохоличарите“ глувци и понатаму се плашеле иако подолго време не добивале струјни удари.
Научниците утврдија сличност помеѓу ваквите резултати кај глувците и луѓето со посттрауматски синдром. Резултатите се објавени во списанието „Nature Neuroscience“.