Жена е тешко повредена кога ајкула ја каснала за нога додека пливала на плажа во Њујорк.
50-годишната жена наводно пливала покрај плажата Рокавеј во понеделникот попладне кога ајкулата ја каснала за левата нога, објави АП.
Спасувачите ја извлекле жената од водата и и пружиле прва помош, а потоа со сериозни повреди на бутот во критична, но стабилна состојба ја префрлиле во болница, изјави портпаролот на полицијата.
Сите капачи потоа беа отстранети од водата, а полицијата со хеликоптер ја пребара областа за ајкули, но не најде ниту една, соопштија од Одделот за паркови. Плажата Рокавеј е затворена за пливање и сурфање како мерка на претпазливост.
Експертите велат дека каснувањата од ајкула се исклучително ретки, со вкупно само 57 ширум светот минатата година, според Досието за напад на ајкула на Универзитетот во Флорида. Нападот на ајкулата се случил во период на зголемени видувања на ајкули на плажите во Њујорк и Лонг Ајленд.
Се верува дека на ова, меѓу другото, влијаело и подобрувањето на квалитетот на водата, како и зголемувањето на популацијата на риби во областа каде што се хранат ајкулите. Одделот за паркови вели дека каснувањето од ајкула во понеделникот било првото пријавено неодамна на плажата Рокавеј.
Од друга страна, капачи и сурфери летово најмалку пет пати биле каснати од ајкули на плажите на Лонг Ајленд, иако немало жртви.