Концертот на Аца Лукас во Битолa, кој требаше да се одржи вечерва, е одложен за утре поради сообраќајна несреќа во која учествуваше пејачот.
Лукас лично се обрати до својата публика преку порака и откри дека доживеал сообраќајна несреќа, поради што не може да пристигне навреме во Битолa.
– Драги мои, должам големо извинување до публиката во Битолa. Морам јавно да се извинам и да им објаснам. Имав сообраќајна несреќа – рече Лукас.
Тој потврди дека концертот, наместо вечерва, ќе се одржи утре, а за сите оние кои веќе купиле билети, тие ќе останат валидни.
– Овој концерт, кој требаше да се одржи вечерва во Битолa, ќе се одржи утре вечер. Сите оние кои купиле билети, секако, ќе бидат валидни исто како и денес – рече пејачот.
Лукас нагласи дека штом се реши ситуацијата по несреќата, ќе го продолжи своето патување кон Битолa. Како што рече, неговиот бенд е веќе во градот, додека сцената и целата организација се подготвени.
– Ќе го продолжам патувањето кон Битолa штом ќе го решам тоа што ми се случи. Бендот е веќе таму, сè е подготвено – додаде Лукас.
Пејачот им упати големо извинување на своите обожаватели и истакна дека таквото доцнење не е нешто што е типично за него, но дека околностите го принудиле овој пат да ги промени своите планови.