Имајќи предвид дека во последно време на пазарот се појавија голем број на паметни часовници, во оваа трка се вклучи и компанијата „Свиско Лтд.“
Оваа компанија започна масовна кампања со надеж дека ќе успее да обезбеди средства за А.И. часовникот, кој нема да служи само како мал апарат и украс кој ќе се носи на рака. Тој ќе има можност во него да се стави СИМ картичка, а ќе ги има и сите потребни антени за да може да функционира како смартфон.
А.И. часовникот ќе работи на оперативен систем Андроид 4.0.4, ќе има четири гигабајти хард-диск, 512 мегабајти РАМ и екран од 1.54 инчи со резолуција 240 х 240 пиксели.
Со сите овие карактеристики часовникот ќе биде доволно моќен да може да има пристап до Гугл Плеј Стор и апликации кои можат да се користат на неговиот мал екран.
Компанијата се надева дека ќе успее да обезбеди 100.000 долари, кои се потребни за почеток на производство на А.И. часовникот.