Пред матичарот во Пертхолздорф во близина на Виена кон крајот на минатата недела „судбинското да“ го изговорија 16-годишен ученик и неговата поранешна наставничка, екс тренер по ракомет од Хрватска, Рената Јурас.
Младоженецот Ервин Унтерлехнер и неговата избраничка до склучувањето на бракот поминаа низ многу ризици и загуби, бидејќи нивната врска предизвика многу контраверзи уште од денот кога започна.
Следуваше пријава поради заведување малолетник, по што Рената го изгуби работното место и беше осудена на 22 месеци условна затворска казна.
Но и покрај се, Ервин и Рената одлучија да живеат заедно, а кон крајот на јуни ја добија ќерката Ноеми. Најпосле, минатиот паток се појавија и пред матичар за да ја озаконат врската.
На бурмите, парот ја изгравира пораката „до небото и назад“, што како кажува Ервин ја опишува нивната љубов.
Единствен проблем е што наместо на меден месец, младоженецот денеска тргна на училиште бидејќи почна школската година.