ЗНМ: МВР ги казни полицајците што ја попречуваа работата на новинарката Секуловска

Од:

Здружението на новинарите на Македонија ја поздравува одлуката на Внатрешната контрола на МВР која утврди незаконско постапување на полициските службеници за попречување на новинарката Билјана Секуловска при вршење на своите професионални обврски.

На 07 јуни година околу 19.00 часот, новинарката Билјана Секуловска, уредник во онлајн медиумот www.novatv.mk, при обавување на професионалните задачи сликала полициска патрола која вршела контроли за време на полицискиот час. И покрај тоа што Секуловска се претставила на полицијата и покажала дозвола за непречено движење за време на полициски час, полициските службеници и забраниле да ги снима и на груб начин се заканувале дека ќе ја тужат, бидејќи според нив не било дозволено да се снимаат полициски службеници.

По овој настан Здружението на новинарите на Македонија испрати претставка до Внатрешната контрола при МВР поради попречување на правото на новинарката да известува од јавен простор за теми од јавен интерес. Дополнително, беше побарано итно да се спроведе постапка за утврдување на одговорност на полицискиот службеник, а потоа да биде спроведена и дисциплинска постапка во која ќе се утврди дали тој постапувал во согласност со Законот за полиција и Кодексот на полициска етика.

Денеска бевме известени дека Внатрешната контрола утврдила незаконско постапување на полициските службеници и дека тие ќе бидат соодветно казнети. Потсетуваме дека соработката помеѓу полицијата и новинарите е од огромна важност и таа треба дополнително да се развива.

„Ваквата принципиелна практика може да помогне во градење на професионалниот однос меѓу нашите колеги и полицијата“, рече претседателот на ЗНМ, Младен Чадиковски и додаде дека негативните случки треба да послужат како пример од кој ќе се извлече поука во насока на подобро разбирање на законските овластувања на полицијата при постапување на терен против новинарите.

Во иднина ги повикуваме и другите членови на ЗНМ доколку се соочат со слични проблеми да се обратат во канцеларијата на Здружението на новинарите на Македонија, бидејќи имаме обезбедено бесплатна правна помош за вакви и слични прекршувања на нивните права.

Би можело да ве интересира

ЗНМ: Истрагата на ОЈО за изборното рекламирање не треба да се сведе на три фирми

А1он

ЗНМ: Истрагата на ОЈО за изборното рекламирање да е транспарентна и неселективна

Ана Ололовска

РКЕ и ЗНМ ја продлабочуваат соработката

Ана Ололовска

ЗНМ и Новинарскиот синдикат го осудија нападот врз екипата на „Ал Џазира“ на протестот на ВМРО-ДПМНЕ

А1он

Секција на сниматели при ЗНМ: ССК не ги почитува протоколите за организирање на настани

Ана Ололовска

ЗНМ со осуда за односот на ИДКНА кон весникот „Коха“

Ана Ололовска