ЗНМ ја осудува изјавата на Заев и бара јавно извинување

Од:

Здружението на новинарите на Македонија остро ја осудува денешната изјава на Премиерот Зоран Заев, во која тој кажа дека нема да дозволи некој суетен новинар да ја симне оваа влада од власт.

Ваквиот агресивен говор кон новинарите од страна на Претседателот на Владата може да поттикне насилство кон нашите колеги, а со тоа и дополнително да се загрози нивната безбедност и да се ограничи слободата на изразувањето, велат од здружението преку соопштение.

„Го повикуваме Претседателот на Владата Зоран Заев веднаш да се извини на новинарите, а пред се на колегата Бранко Героски доколку оваа негова изјава беше упатена кон него и во иднина да се воздржи од вакво дискредитирање на новинарите.

Премиерот Заев како Претседател на партијата на власт и на Владата потребно е да покаже дека умее да се справи со критиката од страна на новинарите, а со тоа да даде пример и на останатите членови на Владата, но и на македонската јавност. Наместо јавно да се пресметува со критични новинари потребно е да ги охрабри во нивните напори да откриваат евентуална злоупотреба на власт, а институциите да реагираат.

Истовремено, во својата изјава Претседателот на Владата користеше непримерен говор во однос на припадниците на ЛГБТИ заедницата што не доликува на сериозен политичар и носител на таква висока функција. Како новинари и Здружение кое се залага за еднаквост на сите полиња и недискриминација по ниедна основа го осудуваме и овој дел од изјавата на Претседателот Заев и бараме да јавно да се извини.“, се наведува во соопштението на здружението.

Би можело да ве интересира

ЗНМ и СЕММ го осудуваат односот на министерката Мизрахи кон „А1он“

А1он

(ВИДЕО) Заев: Потребен е Закон за јавно обвинителство, обвинителите да се бираат преку системски решенија, не преку политичари

Ана Ололовска

(ВИДЕО) Заев на средба со претседателот на ЕС, Мишел: Силно сме мотивирани да продолжи европскиот курс на државата

Ана Ололовска

(ВИДЕО) Заев од Радовиш: Веруваме во младите, градиме квалитетни младински политики и вложуваме во човечкиот капитал

Ана Ололовска

Заев за Индексот за корупција на ТИ: Треба уште многу да работиме и како држава и како општество

Ана Ололовска

Заев: Добро е да имаме потврда од Мишел дека паралелно ќе се одлучува и за преговори и за новата методологија

Ана Ололовска