ЗНМ реагира до Владата да се придржува до протоколите кои пред секој настан ги пушта во соопштенија, но во пракса не се почитуваат.
На денешната прес конференција на бугарскиот премиер Кирил Петков и македонскиот Димитар Ковачевски, не биле заштитени медиумските работници од ширење на вирусот.
„На фотографиите од денешниот настан може да се забележи дека снимателите немаат безбедни услови за работа поради несоодветниот простор во кој нема речиси никаква дистанца помеѓу медиумските работници, а со тоа директно се изложени на здравствен ризик по нивното здравје.
ЗНМ бара од Владата кога има ваков тип на настани за медиумите во иднина да се обезбедат соодветни услови за нивна работа и строго да ги почитуваат здравствените протоколи предвидени за јавни настани“, велат од ЗНМ.