Во амбулантата во општина Ѓорче Петров влегла змија, а пациентите избегале во паника надвор. Ова се речиси распаднатите бараки на Здравствен дом во кој има концесионери, општи лекари, педијатри, стоматолог.
Изутринава додека имало десетина пациенти кои чекале на ред за преглед, влегла змија во бараката при што настанала паника. Исплашени и со викање истрчале надвор.
Од ДСЗИ кои беа повикани во објектот информираат дека е направен вонреден инспекциски надзор уште во април 2018 година во истиот објект и дека со решение го задолжиле сопственикот ЈЗУ Здравствен дом Скопје за адаптација или реновирање на објектот .
Сепак, бараките не се адаптирани ниту реновирани, а ваквата состојба е речиси идентична во многу здравствени објекти низ државава. Додека се зборува за реформите и успеси во здравството, условите во кои се лечат граѓаните се катастрофални, распаднати покриви, ужасни санитарии, клупи и столици од минатиот век, влага и нечистотија.
