Извршниот Комитет на ВМРО – Народна партија, донела одлука за годишна награда „Златна шајкача“.
„Наградата ќе се доделува на 15 јули секоја година, на граѓанин на Република Македонија, исклучиво на антички Македонец, кој во текот на една година наназад дал највисок допринес за ширењето на српската култура и пропаганда во Република Македонија, на сметка односно против интересите на Македонската музика, култура и традиција“, велат од ВМРО-НП.
На вчерашната седница на Извршниот комитет на ВМРО – Народна партија, едногласно беше изгласана и донесена одлука, со која Градоначалникот на Прилеп Г-нот Марјан Ристевски е прогласен за добитник на првата награда „Златна шајкача “.Лица од нашата партија ќе се обидат лично да ја врачат наградата на Градоначалникот Ристески, и доколку не успеат, наградата ќе биде испратена по пошта”, велат од ВМРО-НП.
