Жителите од населбата „Голи оток” во Кавадарци, денеска ќе останат без вода за пиење до 12 часот, поради дефект на водоводната линија.
Пандорка Димитриева, референт за односи со јавноста при Јавното претпријатие “Комуналец”, информираше дека екипи на комуналното претпријатие интензивно работат на терен за отстранување на дефектот и нормализирање на водоснабдувањето во тој дел на градот. Упати молба за разбирање, до населението кое остана без вода за пиење.