Жителите на Горно Оризари се уште без вода, повторно го блокираа локалниот пат

Од:

Жителите на Горно Оризари во знак на револт и денеска го блокираа локалниот пат. Причина за протестот е нефункционалноста на водоводниот систем, односно, околу 2000 жители на велешкото село останаа без вода.

Тие велат дека со овој проблем се соочуваат речиси секое лето.

Општина Велес подготвила проект со кој е предвидено проширување на водоводната цевка. Од Од општината велат дека проектот бил испратен до Министерството за транспорт и врски, но се уште не добиле одговор.

Од министерството пак велат дека документацијата за проектот не е комплетна и дека општината мора да ја докомплетира за проектот да биде испратен до Европската инвестициска банка за средствата да бидат одобрени.

И додека Општина Велес и Министерството за транспорт и врски си дофрлуваат кој е виновен, жителите на селото Горно Оризари во најголемите жештини додека земјата е во портокалова фаза, преживуваат без вода.

Би можело да ве интересира

Движењето „Ниту една повеќе“ вечерва изрази револт поради убиството на Росица, како и многу други случаи на фемициди

Кордон помеѓу студентите и местото каде се одржува воената парада во Белград

„Ниту една повеќе!” – протест против насилството врз жените

А1он

Илјадници демонстранти се собраа во Тел Авив барајќи крај на војната во Газа

(ВИДЕО) Зеленски потпиша контроверзен закон, започнаа најголемите протести од почетокот на војната

Притвор за седуммина уапсени во Ужице, адвокатите ја прекинаа работата