Четириесет и шест годишен жител на селото Врапчиште е лишен од слобода под сомнение дека извршил семејно насилство врз неговите мајка и сестра.
Според СВР Тетово, С.Р. (72) од гостиварското село Врапчиште, вчера пријавила семејно насилство од нејзиниот син Р.Р (46), кое се случило на 7 овој месец.
Според неа, дента околу 15 часот кај нив на гости дошла Ф.С.(41), ќерка на пријавителката, со која братот Р.Р. веднаш започнал вербално да се расправа. Набрзо потоа физички ја нападнал, барајќи да замине од куќата.Тогаш се вмешала и мајката С.Р, по што Р.Р. се нафрлил и врз неа и со тупаници повеќе пати ја удрил по главата, рацете и грбот, нанесувајќи ѝ повреди.
Насилниот син, ја напуштил куќата, додека двете нападнати С.Р. и Ф.С. се засолниле кај нивните соседи.
Од СЦР Тетово информираат дека пријавениот Р.Р. вчера е лишен е од слобода и задржан во Полициската станица Гостивар за целосно расчистување на случајот.
За два дена ова е втор случај на пријавено семејно насилство. Завчера заради семејни недоразбирања триесет и две годишен гостиварец ги натепал сопругата и нејзиниот татко.