Измамник од тетовското село Долно Палчиште зел автомобил „Фолксваген Пасат“ кој наводно сакал да го купи, со ветување дека ќе го плати наредниот ден. Но, продавачот на колата утредента случајно ја нашол на веб-страница со огласи за продавање возила, по што го пријавил измамникот, соопшти полицијата.
„СВР Тетово поднесе кривична пријава против А.М.(34) од с.Долно Палчиште, тетовско, поради постоење основи на сомнение за сторено кривично дело „измама“. Во април 2021 година, пријавениот се сретнал со В.Џ.(33) од Тетово и се договориле да го купи неговото возило „фолксваген пасат“. Пријавениот го зел возилото и се договориле да му плати наредниот ден. Наредниот ден В.Џ., пребарувајќи на интернет страните за продажба за возила, го забележал објавено неговото возило за продажба, по што веднаш го побарал пријавениот, но тој не му се јавувал“, се вели во полициското соопштение за случајот.