Жител на неготинско Пепелиште обвинет за убиство откако со нож ја нападнал сопругата

Од:

Основното јавно обвинителство Кавадарци поведе постапка против 43–годишно лице, привремен жител на село Пепелиште, Неготино, поради основано сомнение дека го сторил кривичното дело – Убиство од член 123 став 2 точка 2 во врска со член 19 (во обид) од Кривичниот законик.

Осомничениот на 4 декември 2020 година, околу 5.00 часот, во настаната расправија и вршење на семејно насилство, со намера да ја лиши од живот, со нож повеќе пати ја нападнал неговата сопруга во пределот на главата. Со тие дејствија на оштетената и нанел повреди во вид на посекотини во пределот на лицето и десната подлактица. Во обидот за убиство го спречил таткото на сопругата, по што осомничениот се дал во бегство.

Поради постоење на околности кои укажуваа дека притворот е неопходен за непречено водење на кривичната постапка, постоење на околности кои укажуваа на опасност од бегство и страв дека осомничениот ќе влијае на сведоци или пак ќе го повтори кривичното дело, јавниот обвинител од Основното јавно обвинителство Кавадарци до надлежниот суд достави предлог на осомниченото лице да му биде определена мерката притвор. Судијата на претходна постапка од Основниот суд Кавадарци го прифати предлогот на обвинителството и со Решение на осомничениот му определи притвор во траење од 30 дена.​

Би можело да ве интересира

Затворски казни од три до шест години за седуммина од „Планина“ кои се спогодија со обвинителството

Катерина Павлова-Николовска

Обвинителството ги отфрли кривичните пријави против Џафери и против пратениците кои болни со Ковид-19 гласаа во Собранието

Обвинение за агентот за недвижности поради измами во продажба на станови

Притвор за скопјанецот кој се обиде да убие двајца познаници

Обвинение за вработен во гостиварската пошта кој удрал пратка

Притвор за скопјанецот во чиј дом беше пронајден арсенал оружје