Градоначалникот на општина Центар Андреј Жерновски, излезе со реакција на ФБ, по информацијата дека обвиителството со полиција интервенира во општина Центар за да го заштити претседателот на Основниот суд Скопје 1.
Жерновски напиша:
За мене, Законот мoра да важи за сите подеднакво. И за претседател на држава, и за претседател на Влада, и за претседатели на судови. За сите! Никој не смее да биде ниту над, ниту под занонот.
Во целиот изминат период, администрацијата на општина Центар и јас како градоначалник, перманентно сме изложени на притисоци и закани. Сакам уште еднаш да напоменам дека ниту сме подлегнале, ниту ќе подлегнеме на било какви притисоци.
Само со стриктно почитување на законите, нашата држава и ние граѓаните можеме да очекуваме подобра иднина. Во спротивно, и поматаму ќе останеме заробени во сегашното сивило, беззаконие и бесперспективност.