Од општина Центар соопштуваат дека градоначалникот Андреј Жерновски, воопшто не бил информиран за одржувањето на координативен состанок на градоначалникот на Град Скопје, Коце Трајановски, со градоначалниците на скопските општини, а во врска со најавениот штрајк на СОНК, и затоа е изненаден од крајно тенденциозната изјава за неговото неприсуство.
„Повеќе од јасно е дека изјавата на Г-динот Трајановски, како и самата средба, се со партиско-политичка позадина. Градоначалникот Жерновски и општина Центар остануваат доследни на принципот не немешање на политиката во образованието. Токму поради тоа, на директорите, наставниците и воспитувачите, им е оставено сами да одлучат дали ќе го поддржат штрајкот на СОНК“, стои во соопштението од општина Центар.