Отворено и без мешање на политиката, вака помина средбата меѓу градоначалникот на општина Центар, Андреј Жерновски со неговите соработници, директорот на ЈП ПОЦ Саша Богдановиќ со жителите од урбаните заедници Васил Антевски – Дрен и Миле Арсовски.
Жерновски ги повика центарци во недела на 26.04.2015 година да излезат на првиот историски референдум во општината.
„ Референдумот е најдиректниот начин на влијание и почитување на интересите на граѓаните од страна на сите власти. Секоја власт, независно дали е на локално или државно ниво, доколку успее референдумот, ќе внимава какви одлуки носи “, рече Жерновски.
Уште еднаш посочи дека во недела ќе се гласа од 07:00 – 19:00 часот на истите избирачки места каде што граѓаните го остваруваат своето право на парламентарни, локални и претседателски избори.
Во мај месец продолжува акцијата Цел Центар на велосипед. Општина Центар субвенционира до 3.000 денари за секој купен велосипед, а граѓаните треба да поднесат како доказ лична карта, фискална сметка и сметкопотврда.
На жителите од овој дел на Центар, градоначалникот им ја соопшти и веста дека од септември обезбедувањето и еднодневната екскурзија, наместо родителите ќе падне на товар на општината, а во градинките,наместородителите, општина Центар ќе плаќа за англиски јазик и физичко воспитување.
На овој дел од Центар набргу започнува реконструкција на повеќе улици. За сите проблеми околу паркингот во понеделник е закажана средба меѓу станарите и директорот на ЈП Центар Саша Богдановиќ.