Жерновски: Тодоровиќ вработуваше и нуркачи

Од:

Од кабинетот на градоначалникот на општина Центар, Андреј Жерновски реагираат на прес-конференцијата на советникот на ВМРО-ДПМНЕ, Томислав Лазаров.

Безидејноста на ВМРО-ДПМНЕ, велат, се гледа и со денешната прес-конференција на советникот Томислав Лазаров. Тој само го повтори она што го говореа и на седницата за ребалансот на буџетот.

Во соопштението потсетуваат дека во минатиот мандат градоначалникот Тодоровиќ ја зголеми бројката за 70 вработени, односно од 65 на 135. И тоа на блиски роднини и партиски луѓе. Во општината се примало се, велат, замислете и двајца нуркачи. Има вработени, „заслужни“ партиски кадри кои само фигурирале на платниот список, а не се појавувале на работа.

Градоначалникот Андреј Жерновски, вели дека нема да го зголеми бројот на вработени во општинската администрација двојно повеќе како претходникот.

„Доаѓам после 13 години власт на ВМРО-ДПМНЕ на чело на општината. Јас не можам да туркам тоа што јас го планирам со луѓе кои шират друга политичка агенда, агенда на која жителите на Центар не и дадоа доверба. Логично е што сум донел луѓе со кои сакам да работам. Советникот Лазаров, требал да види прво што се случува во другите општини каде раководи ВМРО-ДПМНЕ, но и тоа што го прави централната власт и колку има вработено исклучиво партиски кадри“, вели Жерновски.

Што се однесува до пренасочување на средства, како што вели Лазаров, посочува, ова е уште еден обид за манипулација, како она за црквата.

„Но, нели вистината е како шило, па испливува на површина. Како што излезе вистината за црквата, така е и за лагите за градинката и училиштето. За градинката во Капиштец, е изработен проект и се чека уште на ревизија за да почнат градежните активности.

– За училиштето, пак, првин треба ќе се изработи идејно решение, кое ќе биде избрано на меѓународен конкурс од страна на комисија и потоа ќе започнат работите за изградба. Не очекува сигурно никој за еден месец да биде изградено училиштето. За разлика од ВМРО-ДПМНЕ, ние ќе го направиме она што го ветивме. Во нивната програма беше изградба на градинка и училиште, но за 4 години не го реализираа“, вели Жерновски.

Би можело да ве интересира

Општински инспектори почнаа да мерат бучава во Центар, на два објекта им наложија да се стишат

Жарко Настоски

Центар ќе казнува локали за гласна музика, се бунеле жителите

Жарко Настоски

Центар раскина договор за катна гаража на „Климент Охридски“, просторот ќе биде парк

Маја Илиевска-Пачемска

Општина Центар по 12 години сама ќе одлучува за летните тераси, Градот ѝ ги предаде надлежностите

Жарко Настоски

На „Ленинова“ и „Максим Горки“ веќе нема паркирање со пораки, на тие места ќе паркираат жителите

Жарко Настоски

Центар има 32 барања за градење, укинатиот мораториум отвори можност за градежна офанзива по плановите оценети како криминални

Маја Илиевска-Пачемска

Leave a Comment

one + 19 =