Жерновски: Односите со Шиповиќ се нарушија по неговото гласање со ВМРО-ДПМНЕ за 10-катница на Водно

Од:

По повод написите објавени на порталите Курир, Република, Пулс24, Нетпрес и Фактор, кои се иницирани од изјава на претседателот на Советот на Општина Центар, Мирослав Шиповиќ, Општина Центар ја информира јавноста дека се работи за крајно несериозни паушални и тенденциозни тврдења.

„Патувањето за кое што пишува претседателот на Советот, остварено во Париз, не е никакво “шетање”, туку официјална службена посета на Париз. За ова јавноста беше информирана и беа објавени и фотографии од разговорите на градоначалникот на Општина Центар, Андреј Жерновски, со заменик-градоначалникот на Париз, Кристоф Најдовски, како и со директорот за Балкан при Министерството за надворешни работи, Гијом Русон. На средбите беа разменети мислења и ставови за актуелната состојба во Република Македонија, од француска страна е изразена поддршка за Евроатлантските амбиции и за демократизација на Република Македонија. На средбите договорена е и конкретна експертска и техничка соработка меѓу Општина Центар и Париз.

Како доказ за наводното (не)домаќинско работење, најдобро говорат податоци за средствата исплатени за службени патувања од 25-ти април, 2013-та откако Жерновски стапи на градоначалничката функција, споредени со податоците за патувањата и дневниците на претходниот градоначалник, во периодот од 2009-та до 24.4.2013-та година. Во времето на претходниот градоначалник, за патни расходи, сместување и дневници за тоа потрошени се 10.450.000 денари, а за време на Жерновски – 745.000 денари, што е за 14 пати помалку.

Точно е дека односите меѓу Жерновски Шиповиќ се нарушени, и тоа како директна последица на гласањето на Шиповиќ, кој со ВМРО-ДПМНЕ изгласа нов ДУП за Водно, со што се оствари целта за изградба на десеткатница на Водно“ се вели во соопштението на Општина Центар.

Би можело да ве интересира

Запалени возила низ Скопје, ноќеска гореше и во Кисела Вода и кај Зелен пазар

Катерина Ѓуровски

Деца во градинка во Центар пронашле наркомански шприц во дворот, ја кршеле иглата и се гребеле

Предраг Петровиќ

ВМРО-ДПМНЕ: Општина Центар пропаѓа, Герасимовски и Филипче позираат пред евтини шминка мурали на запуштени згради

Во Центар изгореа четири возила

ВМРО-ДПМНЕ: Жерновски не избламира пред членка на ЕУ и никогаш не стана амбасадор, следбеник на Заев и ,,Бојко љубави” дипломатијата

Предраг Петровиќ

ВМРО-ДПМНЕ: СДС и Филипче го враќаат Жерновски во раководните структури