Градоначалникот на општина Центар, Андреј Жерновски го тужи градоначалникот на општина Карпош, Стевчо Јакимовски за навреда и клевета.
„Во врска со објавеното интервју на Г-дин Стевчо Јакимовски, во дневниот весник „Вечер“ на ден 18.11.2014 година, под наслов:„Жерновски ноќе плаче по амбасади – дење прави инциденти!“, најавувам дека, после повеќе изречени навреди и клевети на разни начини и во разни прилики на кои не сакав да одговорам, препишувајќи го сето тоа на стилот и начинот на кој Г-дин Јакимовски се пресметува со сите кои не мислат и не дејствуваат како него, овој пат ќе поднесам тужба пред надлежниот суд, со која ќе барам да се утврди неговата одговорност за клевета и навреда, согласно на одредбите од Законот за граѓанска одговорност, за изјавените клевети, навреди и инсинуации во споменатото интревју, со цел, односно со намера да наштети на мојата чест и углед како личност, градоначалник и како претседател на политичка партија.
Секој носител на јавна функција (политичар) мора да има повисок праг на толеранција кон изречени ставови и критики од јавноста, но во наведениот случај, Г-динот Стевчо Јакимовски, со своите навреди и клевети, ги премина сите граници“, се вели во соопштението од градоначалникот на општина Центар, Андреј Жерновски.