„Продолжува да се открива криминалот од проектот „Скопје 2014″. Овој владин проект, од кој се украдоа милиони евра, ќе мора да биде истражен до крај.
Од она што ние во општина Центар го констатиравме со нашата ревизија, сигурен сум дека денес изнесените наоди се само промил од она што реално е украдено.
Сакам уште еднаш да изразам силна поддршка за СЈО и да им честитам за истрајноста да ги прибават потребните докази.
Оваа битка ќе биде долга, исто како и листата на криминалните предмети кои се врзани со барокното лудило, и ќе заврши со победа на правдата“, напиша градоначалникот на општина Центар, Андреј Жерновски, на својот фејсбук профил.
