Граѓаните во општина Центар на 26-ти април за прв пат ќе може да одлучуваат на референдум од локален карактер.
Затоа, градоначалникот на општина Центар, Андреј Жерновски, на средбата со жителите на Капиштец ги повика да излезат и да гласаат на референдумот, изјаснувајќи се дали се „за“ зачувување на автентичниот изглед на ГТЦ.
„Ова е историски момент бидејќи граѓаните за прв пат во општина Центар ќе гласаат на референдум. Не сум тука да држам политички говори и да ве убедувам како да гласате, туку само да Ве повикам да излезете на 26-ти“, рече Жерновски.
„На прашање од граѓаните како и каде се гласа, градоначалникот на општина Центар појасни дека ќе се гласа на истите места кај што се гласа за парламентарни, локални и претседателски избори. Избирачките места ќе бидат отворени од 07:00 – 19:00 часот.
На избирачкото ливче ќе стои референдумското прашање и опцијата за гласање „ЗА“ или „ПРОТИВ“.
На средбата голем интерес од граѓаните за работата и плановите на општината, за сите проблеми, предлози за поквалитетен живот и иницијативи, како и за функционирањето на паркинзите, жителите на овој дел од Центар закажаа директни средби со надлежните во општината и директорот на ЈП ПОЦ, Саша Богдановиќ“, се вели во соопштението на Општина Центар.