Жените пратенички на ВМРО-ДПМНЕ не гласаа за законот за прaвична застапеност на листите, ДУИ гласаа против

Од:

Пратеничките на ВМРО-ДПМНЕ меѓу кои Лилјана Кузмановска, Благица Ласовска, Ане Лашкоска, Магдалена Манаскова, Слаѓана Митовска, Весна Пемова, Жаклина Пешевска, Весна Дамчевска Илиевска, Лилјана Затуроска, Дафина Стојановска не гласаа за законот отворени листи и за правична застапеност на мажите и жените на пратеничките листи. Покрај пратеничките од опозицијата, не гласале ниту Теута Биљали од Беса, Елизабета Канческа-Милевска од независната група пратеници на ВМРО-ДПМНЕ.

Во групата пратеници кои се воздржаа од гласање се и пратениците Ферид Мухиќ, Сурија Рашиди и Зијадин Села од Алијанса за Албанците, како и присутните пратеници од ВМРО-ДПМНЕ, меѓу кои и Драган Данев и Емил Димитриев.

Поддршка на законот кој го предложи група од 15 пратеници кои беа иницијатори на овој и на законот за измените за изборниот законик за една изборна единица дадоа 55 пратеници, од кои најголем дел од СДСМ. „За“ гласаа и пратеничките Даниела Рангелова од ВМРО –ДПМНЕ, Владанка Авировиќ од СПМ и Емилија Александрова од независната група на ВМРО-ДПМНЕ.

Пратеничка група на ДУИ беше против правична застапеност, при што против гласаа спикерот Талат Џафери, Џеват Адеми, Мирсада Емини-Асани, Ејуп Алими, Реџаил Исмаили.

Покрај законот за отворени листи и правична застапеност, помина и првиот закон за измени на изборниот законик. За да помине законот, за отворени листи потребно е Бедентерово мнозинство. Како што изјави за „А1он“ Лилјана Поповска од ДОМ, една од пратеничките кои го иницираа законот, законите прво ќе се најдат пред матичните комисии, а потоа на седница и се очекува да се обезбеди потребното мнозинство и да бидат усвоени.

Би можело да ве интересира

ВМРО-ДПМНЕ: Непродуктивните трошоци да запрат, капиталните инвестиции да продолжат

Ана Ололовска

(ВИДЕО) Муцунски: Ќе биде потребно несебично да помогнеме во закрепнувањето од економската криза

Ана Ололовска

ВМРО-ДПМНЕ: На економијата и требаат вистински мерки, а не лицемерие и импровизација

Ана Ололовска

ВМРО-ДПМНЕ: Власта е неорганизирана, а тоа може да чини човечки животи

Ана Ололовска

Стаменковска: Според Манчевски во 2019 година Македонија достигнала рекорд по бројот на вработени во јавната администрација

Ана Ололовска

(ВИДЕО) Николов: И покрај препораката на СЗО да се тестираат што поголем број на граѓани сепак има лимитиран број на тестови

Ана Ололовска