Помеѓу членките на ВМРО-ДПМНЕ последниве денови масовно се пренесуваат пораки да постираат цртежи од нивните деца на социјалните мрежи „За Заедничка Македонија“. Притоа во инструкциите се наведува дека мора да се тагираат по 30 до 40 членки на ВМРО-ДПМНЕ како и да се пренесе што побрзо до сите членки на партијата со пораката која мора да ја напишат:
„Ве предизвикувам да ја нацртате црвено-жолтата линија на Заедничка Македонија. Јас го прифатив предизвикот и ги номинирам следните мои пријатели… да го направат истото“.
На протестите за „Заедничка Македонија“, иако се инсистира дека се граѓански, очигледно е дека се работи за голем дел вработени во администрацијата и за членство на ВМРО-ДПМНЕ.
Познатите личности за кои се пропагираше дека застанале зад протестите, всушност се сите истите кои имаа тезги и кои беа платени за настапи на митинзите на ВМРО-ДПМНЕ или пак се на директорски функции поставени од страна на ВМРО-ДПМНЕ.