Жена на средовечна возраст доцна попладнево се обидела да се самоубите со скокање од една од карпите кај локалитетот Канео, според кажувања на очевидци.
Жената скокнала од карпата, но луѓето кои биле во кајчињата под карпата веднаш реагирале, ја извадиле од езерото навреме. Таа давала знаци на живот и веднаш била префрлена во Општата болница во Охрид.
Засега не се знае со какви повреди се здобила жената, но постои надеж дека таа ќе преживее. Кои се причините за скокањето се уште не се знаат.
Ова не е прв случај во кој жена се обиде да си го доземе животот скокајки од карпа кај Канео.
Последниот случај беше на 15 март кога тројца охриѓани успеаја да спасат жена која се обиде да се самоубие скокајќи од карпа кај месноста Лабино.