Жена од Јапонија паднала кај Канео, била во бесознание па е згрижена во болницата „Свети Еразмо“

Од:

Женско лице попладнево околу 14 часот паднало кај охридската населба Канео, кај карпите што се издигаат над јужниот брег на Охридското Езеро. Станува збор за повозрасна жена, туристка од Јапонија, која паднала на скалите кај црквата „Свети јован Канео“, при што се здобила со полесни повреди.

Портпаролот на СВР Охрид, Стефан Димоски, ја потврди информацијата, посочувајќи дека веднаш по дојавата за случајот на лице место биле испратени полициска и екипа на Службата за итна медицинска помош.

Жената која била во бесознание била згрижена во Специјалната болница за ортопедија и трауматологија „Свети Еразмо“, каде по укажаната медицинска помош ги повратила нормалните животни функции и е во стабилна состојба.

Според неговите зборови, увидот на местото на несреќата укажува дека нема траги на насилство, односно дека се работи за несреќен случај.

Би можело да ве интересира

Пецаков најавува старт на реконструкцијата на Холандскиот парк во Охрид

Филипче: Со чесна и посветена работа Асен Шајн ќе го врати сјајот на Охрид

(ВИДЕО) Се урна исламско религиозно училиште во Индонезија, потрагата по учениците е во тек

Горан Наумовски

Охриѓанец го запалил глисерот на брат му, огнот зафатил и зграда

Катерина Ѓуровски

Обид за убиство во Охрид: Скопјанец со нож сакал да убие познаник

Несреќа во Холандија: Се урна балон со 34 патници, едно лице загина, петмина се повредени