За 30 сантиметри е зголемен водостојот на реката Струмица во Сушево поради интензивните врнежи дожд во текот на вчерашниот ден, соопшти УХМР.
Нивоата на останатите реки во Македонија не се драстично променети и генерално се под просекот за мај.
Речиси четири пати понизок е водостојот на Вардар кај Јегуновце и изнесува 34 сантиметри за разлика од мајскиот просек кој е 116, додека Црна Река кај Новаци, Треска кај Македонски Брод и Црн Дрим кај Ложани бележат двојно помало ниво.