Покрај поплавените земјоделски површини кај Мрзенци, зголемениот водостој на реката Вардар го поплави и источното крајбрежје кај Милци, во непосредна близина на границата со Грција, соопштуваат од општинскиот кризен штаб за заштита и спасување.
Околното земјиште и мото-крос патеката кај Гевгелија се целосно под вода, а синоќа била поплавена и платформата на дискотеката „Де факто“ која е изградена над реката.
Од општинскиот штаб за заштита и спасување информираа дека состојбата постојано се следи и нагласија дека освен на реката Вардар,на другите реки и одводни канали во општина Гевгелија нема проблеми бидејќи планинската вода која беше причина за надојдување, се повлече.