Договорот со Грција за македонското државјанство е чекор назад за Албанците, ние имаме свој идентитет. Досега стоеше Република Македонија, а не македонско државјанство, рече пратеникот на опозициската Беса, Фадил Зендели. Тој претходно го праша премиерот Зоран Заев како ќе пишува во делот за државјанство во пасошите?
„Во договорот се вели македонско/Граѓанин на Северна Македонија. Како ќе стои за Албанците е важно? Дали ќе стои Македонци или државјани на Северна Македонија?“, праша Зендели.
Заев одговори дека токму поради мултиетничноста на државата, ќе стои македонско/ Граѓанин на Северна Македонија. „Секако доколку има уставни измени“, рече Заев.
Галена Николовска-Ризвановиќ