Земјотрес и во Македонија, но не е поврзан со хрватските потреси

Од:

Земјотрес со јачина од 3.1 степен според Рихтер бил регистриран денеска во 12:34 часот, во близина на Карбинци и Штип, на 82 километри југоисточно од Скопје.

Според Михаил Гаревски, директор на Институт за земјотресно инженерство и климатски промени, Македонија припаѓа на друго епицентрално подрачје и кај нас земјотресите кои ја погодија Хрватска не се почувствувани.

„Земјотресот меѓу Штип и Кочани не е во никаква корелација со земјотресите во Хрватска“, рече Гаревски.

Земјотреси ја тресат Хрватска од вчера, но најсилниот, со разорна моќ беше денес во 12.19, со магнитуда од 6,4 степени според Рихтер, со епицентар на два километри од Петриња, а бил почувствуван во целиот регион.

Би можело да ве интересира

Земјотрес во Крагуевац: „Добро се стресе“

Тројца загинати во разорниот земјотрес во Папуа Нова Гвинеја

Земјотрес кај брегот на Крф

По Црна Гора, земјотресот ја погоди и Босна и Херцеговина

Нов земјотрес e регистриран во Црна Гора

Јапонија: Силен земјотрес ја погоди префектурата Фукушима