Лекар од битолската болница е приведен вчера под сомнение за примање поткуп информираше МВР.
– На 28.01.2025 во 17 часот во просториите на Клиничка болница Битола, полициски службеници од СВР Битола го лишиле од слобода М.С.(64), лекар во Хируршко одделение во Клиничка болница Битола. Тој се сомничи дека сторил кривично дело „примање поткуп“ по член 357 од Кривичниот законик, односно дека по завршен хируршки зафат побарал и примил поткуп од лице од битолско, се вели во соопштението од полицијата
Кај него биле пронајдени и одземени парите, кои претходно биле обележани. М.С. е задржан во полициска станица и по целосно документирање на случајот, против него е поднесена кривична пријава.
Од Јавното обвинителство информираат дека се работи за сума од 150 евра кој на хиругрот му ја доставил синот на пациентот на кој била изведена операцијата и дека за лекарот е побаран притвор.
