Здружението „Сплотени срца“ во сабота организира собир на градскиот плоштад „Слобода“ во Штип. Зоран Мијалков од „Сплотени срца“ изјави дека ова не е протест на родителите на децата со посебни потреби, туку собир на кој ќе ги потсетат институциите кои се нивните барања.
– Собирот почнува од 12 часот и ќе трае до 13 часот, а на него ќе излеземе ние, нашите семејства, пријатели, соседи, а ги повикуваме и сите граѓани на општина Штип да ни се приклучат на плоштадот. Значи ова не е протест, ние решивме нашата болка да ја преточиме во нешто добро, а тоа е да се обидинеме околу животно важните прашања, кои сите не допираат, а едно од тие е згрижување на децата и возрасните со посебни потреби, вели Мијалков.
Тој најави дека вакви собири ќе се организираат и во другите градови во земјава, а родителите на децата со посебни потреби ги покануваат и граѓаните, но и политичарите да дојдат на собирот.