Здружението на лекари по општа семејна медицина вечер ќе го одржи 24. симпозиум и ќе ја одбележи 70-годишнината од формирањето.
Основна цел на Здружението е континуирана медицинска едукација согласно потребите на лекарите, заснована на медицина базирана на докази. Здружението е вклучено во наставна и научно-истражувачка дејност преку Центарот за семејна медицина – Медицински факултет Скопје, а спроведува и истражувања во примарната здравствена заштита со што активно придонесува за подобрување на квалитетот во грижата за здравјето на пациентите.
На симпозиумот, кој ќе се одржи во соработка со Асоцијацијата на лекари по општа и семејна медицина на Југоисточна Европа, ќе се расправа за деменција и аутистичен спектар на нарушувања.
Најавено е присуство на домашни и странски предавачи.