Во рамките на Светскиот ден на чистењето младинскиот тим на здружението „Аква“ од Струга денеска направи еко акција околу детското одмаралиште „25 Мај“.
Во акцијата учествуваа шест волонтери на „Аква“ и еден претставник од компанијата Mars Holdings overseas.
Ана Наумоска член на младинскиот тим информира дека околу одмаралиштето биле собрани десетина вреќи отпад.
– Секој од нас има подеднакво голема улога и обврска да се грижи за животната средина, а промената кон здраво и чисто општество започнува со секој поединец, порача Наумоска.
Здружението „Аква“ активно учествува во еколошки акции за почиста Струга.