Министерството за здравство, во соработка со ЈЗУ Здравствен дом од Прилеп, поради најавените високи температури, со цел да се заштити здравјето на граѓаните, започнува со организирање бесплатни превентивни прегледи во центарот на Прилеп во периодoт од 18 до 21 часот.
Директорот на ЈЗУ Здравствен дом,д-р Петар Ристески, им порача на граѓаните да не излегуваат во периодот од 10 до 17 часот, да носат светла и лесна облека и да конзумираат многу течности, а хронично болните да ја земаат неопходната терапија.
На овие пунктови граѓаните ќе се информираат како да се заштитат од високите температури, ќе добиваат препораки за здрав живот и ќе може да измерат крвен притисок. Ќе се делат и брошури со препораки за заштита од топлотен бран.
А.Ш.