Сите служби во Поликлиниката Ченто работат и нема прекин во давање на здравствени услуги и покрај воочувањето појава на вода во подрумски простории како последица на дефект кој локациски е надвор од таа јавна здравствена установа.
Ова го соопштија од ЈЗУ Здравствен дом Скопје, од каде информираат дека по пријавата од страна на Управата на ОЕ Служба за превентивна здравствена заштита Ченто, службите на Водовод и канализација работат на отстранување на дефектот и во текот на денешниот ден се работи на отстранување на вода од подрумските простории (во делот на скривници).
Од Здравствен дом Скопје посочуваат дека тоа не влијае на работата и пристапот на корисниците на здравствени услуги во поликлиниката.
Од страна на ЈЗУ Здравствен дом Скопје е пријавено и до Центарот за јавно здравје за нивно понатамошно соодветно постапување, стои во соопштението.