Претседателот на Собранието на Република Македонија, Талат Џафери денеска ќе се обрати на затворањето на хуманитарната кампања „Macedonia You are a Sunflower” што ќе се одржи во дворот пред Универзитетска клиника за детски болести.
На свеченоста, како што информира собраниската прес-служба, ќе присуствуваат и пратениците од законодавниот дом кои се вклучија во оваа кампања за помош на децата, а ќе се обратат и министерот за здравство Венко Филипче, директорката на Клиниката Катерина Ставриќ и градоначалникот на општина Чаир, Висар Ганиу.