Вакцинацијата против сезонски грип на подрачјето на општините Крива Паланка и Ранковце е завршена, а досега, според информациите од Подрачната единица на Хигиено – епидемиолошката служба на Центар за јавно здравје, Крива Паланка, регистриран е само еден случај на на грип.
– Вакцинацијата против сезонски грип како специфична мерка за заштита од грип најчесто ја применуваат хронично-болните лица. Годинава дадени се вкупно 250 дози вакцина, од кои првично добивме 200 дози, па поради големиот интерес кај граѓаните, направен е дотур од дополнително, уште педесет, кои беа дадени за само два дена, изјави доктор Елена Крстевска од ПЕ на ХЕС, Крива Паланка.