Заврши седницата на Централното претседателство на Алтернатива, почна заседанието на ЦО на СДСМ

Од:

Централното претседателство на Алтернатива по тричасовна дебата ја заврши седницата зад затворена врата на која се решаваше дали партијата ќе се приклучи кон Владата и парламентарното мнозинство или ќе остане во опозиција.

Од партијата најавја дека наскоро ќе ја информираат јаноста за одлуките.

Во меѓувреме, со двочасовно задоцнување почна седницата на Централниот одбор на СДСМ. Претходно заседаваше Извршниот одбор на партијата.

ЦО и ИО, според најавите, вечерва треба да ја разгледаат оставката на претседателот на партијата Зоран Заев, и да дискутираат за актуелната политичка состојба и окрупнување на парламентарното мнозинство и владината коалиција.

Членот на Извршниот и на Централниот одбор на партијата Мухамед Зеќири, пред седницата изјави дека се очекува Заев да ги информира до каде се разговорите со потенцијалните нови коалициски партнери и да се отвори дебата во однос на неговата оставка.

Заменик претседателката на СДСМ Сања Лукаревска изјави дека имаат повеќе теми за дискусија – следните чекори на партијата, околу парламентарното мнозинство, актуелната политичка состојба.

– Тоа ќе го дискутираме на Извршниот и на Централниот одбор бидејќи самите овие две седници се токму по негово барање, рече Лукаревска околу оставката на Заев.

Членот на Извршниот и на Централниот одбор Петре Шилегов, пак, изјави дека треба да разгледаат неколку сериозни позиции кои се однесуваат на формирањето на политичкото мнозинство, влезот на Алтернатива во Владата. Според него, тоа е извесно да се случи и како што кажа, очекува тоа да биде примарно на дебатата и формирањето на Владата.

– Многу состојби ќе дискутираме, ковид, енергетската и политичката состојба во државата потоа ќе донесеме соодветни одлуки. Не знам дали ќе се расправа за оставката на лидерот Зоран Заев. Ова е редовна седница која беше закажана во вторникот меѓутоа се одложи поради немилите настани во Бугарија, изјави Шилегов.

Седниците на ЦО на СДСМ и на Централното претседателство во Алтернатива требаше да се одржат во вторникот, но беа одложени поради тридневната жалост по автобуската несреќа во Бугарија.

Би можело да ве интересира

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер