Заврши проектот „Општинско корисна работа“ во Македонска Каменица. По тој повод, денеска, осумте лица кои беа ангажирани во негова реализација, добија сертификати.
Проектот, под мотото „Хуманоста пред се“, се реализираше со финансиска поддршка на УНДП, а го кофинансираше Општина Македонска Каменица.
– Сите што беа ангажирани во проектот се грижеа за стари, изнемоштени и инвалидни лица од Македонска Каменица. Нивната помош беше огромна. Поради тоа, Општината обезбеди финансиски средства за продолжување на проектот и во текот на 2016 година, а повторно ќе биде побарана и финансиска поддршка од УНДП, рече градоначалникот Дарко Митевски.