Заврши гласањето на болните и изнемоштени лица во општините Могила и Новаци

Од:

Општинските изборни комисии од Могила и Новаци соопштија дека заврши гласањето на болните и изнемоштени лица од тие општини за вториот круг од локалните избори.

До ОИК-Могила пристигнаа девет барања од исто толку болни и изнемоштени лица за гласање во вториот круг од изборите за градоначалник, истакна Славко Велевски, претседател на ОИК-Могила.

– На сите лица им овозможивме да го остварат своето демократско право на избор. Постапивме според законската процедура и сите пријавени гласаа со што гласањето за денес е завршено. Утре во општина Могила ќе се гласа на 23 избирачки места, а според единствениот избирачки список евидентирани се 5.520 гласачи, потврди Велевски.

Гласањето на болните и изнемоштени лица заврши и во општина Новаци.

– За вториот круг од локалните избори за градоначалник на општина Новаци, до ОИК-Новаци пристигнаа осум уредни барања и на сите болни и изнемоштени лица им овозможивме да гласаат. Утре од 7 до 19 часот ќе се гласа на 24 избирачки места, а право на глас имаат 3.076 полнолетни лица, посочи Стевче Стевановски, претседател на ОИК-Новаци.

Би можело да ве интересира

Левица бара итна мерка од Уставниот суд против забраната за платено политичко рекламирање

ДУИ: Архитектот Мишел Ројкинд и Бујар Османи ја презентираа „Визија Чаир 2040“

Предраг Петровиќ

Левица со кандидати за градоначалници во Струга, Тетово, Гостивар – пратеничката Мојсоска ќе се трка за Струга

Предраг Петровиќ

Димитриески за нов градоначалнички мандат во Куманово, Лабудовиќ за Центар и поддршка од ВМРО-ДПМНЕ

Предраг Петровиќ

Градоначалникот на Росоман: Поднесената кривична пријава е политички притисок

Предраг Петровиќ

Максим Димитриевски даде отчет за сработеното: Куманово продолжува да се менува