Поради денешниот најавен протест на Огранокот на Демократската унија за интеграција – Скопје во периодот од 17 часот па се до завршување на протестот затворени за сообраќај ќе бидат следните три улици.
Како што соопштија денеска од МВР, затворени ќе бидат улиците „Ќемал Сејфула“ во двете насоки во правец на улицата „Џон Кенеди“ до улицата „Босна и Херцеговина“, улицата „Александар Урдарески“ во правец на улицата „Босна и Херцеговина“ до улицата „Бутелска“ и улицата „Цетинска“ од крстосница со улицата „Христијан Тодоровски-Карпош“ до крстосница со улицата „Натанаил Кучевишки“.