Четворицата осомничени за петкратното убиство кај Смилковското езеро, во близина на скопската населба Радишани, денеска попладне, биле донесени во Основниот суд во Скопје, објави “Нова Македонија” , повикувајќи се на извори во судот.
Како што објави весникот, на вработените на судот, кој е под силно полициско обезбедување, им било речено да заминат порано дома.
Во април годинава беше извршено петкратно убиство со огнено оружје кај езерото во атарот на селото Смилковци, близу Скопје. Убиените се четири момчиња на возраст од 18 до 21 година од населбата Радишани: Филип Славковски, Александар Наќевски, Цветанчо Ацковски и Кире Трпковски, како и Борче Стевковски, 45 години, од селото Црешево