Започна со работа прифатилиште за бездомни и болни кучиња во Тетово

Од:

Од јавното комунално претријатие Тетово информираат дека конечно започнале со третирање на бездомните кучиња во градот. Во соработка со приватна ветеринарна ординација која понудила најповолни услови на јавен повик отворено е прифатилиште за кучиња во близина на железничката станица.

-Кучињата кои ќе бидат заловувани ќе ги носат тука и ќе бидат вакцинирани против беснило, а тие што се веќе заразени ќе бидат отстранети. Ќе се прави и стерилизација и кастрација па потоа кучињата согласно стандардите ќе бидат ослободени и вратени од каде што се најдени, изјави ветеринарот Рами Селмани.

Започнувањето со работа на прифатилиштето доаѓа речиси седум месеци откако Општина Тетово на седница на Совет на 31 октомври донесе одлука да се гради стационар и соодветно да се третираат бездомните кучиња.

-Тука имаме 20 боксови или домови за кучињата. Општина Тетово извдои 500 илјади денари за оваа намена. Годинава со овие средства ќе може да се третираат 248 кучиња, рече Џелал Цека, директор на јавното комунално претпиријатие Тетово.

Граѓаните секојдневно алармираат дека бездомни кучиња се појавуваат низ улиците на Тетово, а чести се случаите кога и напаѓаат. На социјалните мрежи постојано се објавуваат фотографии дури и од глутници кучиња насекаде низ градот па и на самиот плоштад.

Би можело да ве интересира

Украдени 3.000 денари од црква во Беловиште, Тетовско

А1он

„Ноќ на разноличноста“ вечер на „Лето на тетовската култура“

Собрани 38 единици крв во трите крводарителни акции во Тетовско неделава

Повредена 18-годишна девојка откако во неа удрил возач на голф

Ана Ололовска

Тетовските пожарникари преку протест побараа платите да бидат според законите

Ана Ололовска

По 24-ти пат детски песни на фестивалот „Јаболчиња“ во Тетово

Ана Ололовска