Царинските службеници од граничниот премин „Богородица“, во координирана акција со одделението за оперативи работи при Царинска управа и МВР, утрово спречија обид за криумчарење на околу 5,2 килограми хероин.
Царинската Управа сопшти дека во еден час по полниќ, за влез во Македонија на граничниот премин „Богородица“, царинските службеници селектирале за детален преглед автомобил „голф 5“ со македонски регистерски таблички, управувано од лицето И.С., македонски државјанин, кој патувал на релација Истанбул-Скопје. При преглед на возилото, во специјални изработени прегради, како бункери, од внатрешната страна на четирите бандажи од возилото, како и во кеса обвиткана со алуминиумска фолија и самолеплива трака во внатрешноста на акумулаторот, пронајдени се 5.2 кг хероин.
Вредноста на оваа количина хероин, доколку завршеше на пазарот на мало, би достигнала 500 илјади евра.