Вчера околу 16:00 часот по извршувањето рутинска контрола од страна на царинските службеници на граничниот премин Ќафасан во возило марка „Алфа ромео“ со италијански регистерски таблички биле откриени 12 килограми марихуана.
Со возилото, како што информираат од Царинската управа, управувал италијански државјанин кој бил придружуван од уште едно лице од Италија.
Во автомобилот биле пронајдени вкупно 24 пакувања со тревкаста зелена материја завиткана во алуминиумска фолија.
Осомничените имале намера преку Македонија, Србија, Хрватска и Словенија повторно да се вратат во Италија и таму да ја продаваат марихуаната, но при обидот биле откриени од страна на царинските службеници.
Против сторителите, Царинската управа поднесе кривична пријава за кривично дело „неовластено производство и пуштање во промет на наркотични дроги, психотропни супстанции и прекурсори“, а сторителите се изведен пред надлежен истражен судија.