Во село Моране, кај лицето М.Г.(29), при претрес, полициски службеници пронашле еден килограм марихуана и еден пиштол.
– Полициски службеници од Одделот за криминалистичка полиција- Сектор за недозволена трговија со дрога и СВР Скопје- Единица за недозволена трговија со дрога во рамките на засилените мерки и активности за сузбивање на недозволената трговија со дрога, врз основа на претходна издадена судска наредба, вчера изврши претрес кај М.Г. (29) во викенд куќа во село Моране, скопско. При извршениот претрес е пронајден еден килограм марихуана и еден пиштол. Лицето претходно е лишено од слобода. По документирање на случајот ќе биде поднесена кривична пријава до надлежното Основното јавно обвинителство, соопштија од Министерството за внатрешни работи.