Камионот што изутрината се запали на превојот Плетвар е сопственост на скопската фирма „Доел ЗМЗ Транс“, марка Ман.
Камионот кој превезувал картонски кутии, целосно изгоре и за среќа немаше повредени, информира портпаролот на СВР Битола Магдалена Димитровска.
Изутрината околу 6:40 часот камионот кој се движел на патот Градско-Прилеп, на превојот Плетвар одеднаш се запалил.
Откако возачот забележал дека нешто гори, го запрел, се обидел да го изгасне огнот, но кога сфатил дека сам не може да се справил, пријавил во противпожарната единица во Прилеп.
Пожарникарите успешно се справиле со огнот, но камионот бил целосно уништен. Поради тоа, сообраќајот на превојот Плетвар беше во прекин од 7:05 до 7:50 часот.